რა გართულებები შეიძლება მოყვეს გრიპის ვირუსს და ვისთვისაა ის განსაკუთრებით საშიში?

 ნებისმიერ გრიპისს ვირუსს იქნება ეს სეზონური გრიპი, პანდემიური ღორის გრიპი, ფრინველის გრიპი თუ კორონა ვირუსი შესაძლოა მოჰყვეს შემდეგი გართულებები:

* ზემო სასუნთქი გზების დაავადებები ( სინუსიტი - ცხვირის ღრუს წიაღის დანამატი წიაღების ანთება, ოტიტი - ყურის ანთება, კრუპი).

* ქვემო სასუნთქი გზების დაავადებები ( პნევმონია - ფილტვების ანთება, ბრონქიოლიტი, ასთმის შეტევა).

* გულის ანთებითი დაავადებები ( მიოკარდიტი, პერიკარდიტი).

* ნევროლოგიური დარღვევები ( მწვავე ინფექციების შემდგომი ენცეფალოპათია, ენცეფალიტი, ფებრილური კრუნჩხვა, ეპილეფსიური სტატუსი)

* დეჰიდრატაცია (გამოშრობა) ან შოკის სინდრომი.

* თანმხლები ქრონიკული დაავადებების გამწვავება.

პაციენტებს რომელთაც აქვთ ქრონიკული დაავადებები, მაგალითად: 

* ფილტვის პათოლოგია;

* გულის პათოლოგია;

* თირკმელების უკმარისობა;

* შაქრიანი დიაბეტი;

* სისხლის დაავადება; 

* იმუნური სისტემის დეფიციტი და ა.შ.

განსაკუთრებით საშიშია გრიპი ორსულობის მეორე და მესამე ტრიმესტრში ანუ მეოთხე თვიდან მეცხრე თვის ჩათვლით და პაციენტებში შუა ხნის ასაკიდან ზევით.

დადგენილია, რომ გრიპის დროს გულსისძარღვთა, სასუნთქი სისტემებისა და თირკმლის ქრონიკული დაავადებების მიმდინარეობა მკვეთრად უარესდება, ამ ორგანოთა ფუნქციის გაუარესება კი შესაძლოა შეუქცევადი და სასიკვდილოც კი აღმოჩნდეს. ამიტომაც იმატებს გრიპის ეპიდემიების დროს სიკვდილიანობის მაჩვენებელი. ცნობილია, რომ ფარულად, კლინიკური ნიშნების გარეშე მიმდინარე გულის უკმარისობის გამოვლენა, მისი ნიშნების - ქოშინის, კიდურების შეშუპების, გულის ფრიალის - აღმოცენება უმეტესად სწორედ გრიპის ფონზე ხდება. 

რაც შეეხება პნევმონიას. ის შეილება განვითარდეს, როგორც უშუალოდ ვირუსის ზემოქმედებით ე.წ. ვირუსული პნევმონია, ასევე ბაქტერიების ზემოქმედების შედეგად ე.წ. მეორეული ბაქტერიული პნევმონია. ხშირია შემთხვევები, როცა ორივე ფაქტორი ერთდროულად ზემოქმედებს.  უშუალოდ გრიპის ვირუსით გამოწვეული პნევმონია კი იშვიათია, მაგრამ რთული.